ព័ត៍មានថ្មីៗ

រដ្ឋអាជ្ញា​បារាំង បាន​ដោះលែង នាយក​ប្រតិបត្តិ​ក្រុមហ៊ុន Telegramលោក Pavel Durov ចេញ​ពី​ការ​ឃុំខ្លួន​របស់​ប៉ូលិស​ក្រោយ​ពី​ត្រូវ​បាន​សាក​សួរ​អស់​ពេល​៤​ថ្ងៃ​ពី​បទ​ចោទ​ថា​ប្រព័ន្ធTelegram ត្រូវ​បាន​ប្រើ​សម្រាប់​សកម្មភាព​ខុស​ច្បាប់។ នេះ​បើ​យោង​តាម​សេចក្តី​រាយការណ៍​របស់​ទីភ្នាក់ងារ​សារព័ត៌មាន AP។ លោក Durov ត្រូវ​បាន​ឃាត់​ខ្លួន​កាល​ពី​ថ្ងៃ​សៅរ៍​នៅ​ព្រលានយន្តហោះ Le Bourget ក្រៅ​ក្រុង​ប៉ារីស។ ការឃាត់​ខ្លួន​នេះជា​ផ្នែក​មួយ​នៃ​ការ​សាកសួរ​របស់​តុលាការ​ក្នុង​សំណុំ​រឿង​ក្តី​ដែល​បាន​ចាប់​ផ្ដើម​កាល​ពី​ខែ​មុន ដែល​ជាប់ពាក់ព័ន្ធ​ការ​ចោទប្រកាន់​ពី​បទ​ឧក្រិដ្ឋ​រំលោភ​បំពាន​ចំនួន​១២។​ សេចក្តី​ថ្លែងការណ៍​របស់​ការិយាល័យ​រដ្ឋអាជ្ញា​ក្រុង​ប៉ារីស​បាន​សរសេរ​ថា«‍ចៅ​ក្រម​ស៊ើបសួរ​បាន​បញ្ចប់​ការ​ឃុំខ្លួន​លោកPavel Durov…

តាមការបញ្ជាក់នៅលើបណ្ដាញសង្គម នៅថ្ងៃទី២២ ខែសីហា ឆ្នាំ២០២៤នេះ លោកឧកញ៉ា ចិន សំណាង បានលើកឡើងថា លោកតែងសង្កេតឃើញថានៅកម្ពុជា ពេលមាសឡើងថ្លៃអត់មាននាំគ្នាទិញមាសទុកទេ គឺសម្រុកលក់មាសចេញ ចំណែកឯនៅចិន ឥណ្ឌា អ៊ឺរ៉ុប ហុងកុង និងសហរដ្ឋអាមេរិច ពេលដែលមាសឡើងថ្លៃគឺនាំគ្នាទិញមាសទុកតែម្ដង ផ្ទុយពីនៅស្រុកខ្មែរ។ ជាមួយនឹងការលើកឡើងបែបនេះ អ្នកជំនួញក្នុងវិស័យច្នៃម៉ូដ…

ករណីអគ្គិភ័យដែលឆាបឆេះផ្ទះពលរដ្ឋនៅជិតផ្សារលូប្រាំ តាមបណ្ដោយផ្លូវវេងស្រេង ត្រូវបានកម្លាំងសមត្ថកិច្ចគ្រប់គ្រងពន្លត់រលត់ជាស្ថាបពរដោយមិនមានការរាលដាលដល់ផ្ទះពលរដ្ឋនៅក្បែរនោះឡើយ។ តែក្នុងករណីនេះបណ្ដាលផ្ទះកើតហេតុ រួមទាំងសម្ភារៈលក់ដូរ និងរថយន្ដមួយគ្រឿងត្រូវអគ្គិភ័យលេបត្របាក់ទាំងស្រុង។ ក្នុងប្រតិបត្តិការអន្តរាគមន៍ កម្លាំងសមត្ថកិច្ចបានប្រើបា្រស់រថយន្ដពន្លត់អគ្គិភ័យចំនួន១៥គ្រឿង ប្រើប្រាស់ទឹកអស់ចំនួន ៤៥ឡាន ក្នុងនោះមានរថយន្តពន្លត់របស់កងរាជអាវុធហត្ថ រថយន្តរបស់ស្នងការរាជធានី រថយន្តសួន ឧស្សហកម្មកាណាឌីយ៉ា រថយន្តជំនួយស្រាបៀរកម្ពុជា រថយន្តពន្លត់ របស់កងទ័ពពិសេស ៩១១ បានមកដល់ទីតាំងខាងលើ បាញ់ពន្លត់រហូតរលត់ជាស្ថាពរ។…

ឧទ្ធម្ភាគចក្រមួយគ្រឿង បានធ្លាក់លើដំបូងសណ្ឋាគារ DoubleTree by Hilton បណ្តាលឲ្យពីឡុតបាត់បង់ជីវិត និងបង្ខំឲ្យជម្លៀសភ្ញៀវរហូតដល់ទៅ៤០០នាក់ ដោយសារតែភ្លើងឆាបឆេះ។ តាមការចុះផ្សាយរបស់ BBC នៅថ្ងៃចន្ទទី១២ខែសីហា, ហេតុការណ៍នេះកើតឡើងនៅទីក្រុង Cairns ភាគខាងជើងរដ្ឋ Queensland នៃប្រទេសអូស្រ្តាលី នាវេលាម៉ោង ១:៥០នាទីរំលងអធ្រាត្រ។ ភ្ញៀវ២នាក់ដែលម្នាក់ជាបុរសវ័យ៨០ឆ្នាំនិងម្នាក់ទៀតជាស្រ្តីវ័យ៧០ឆ្នាំ ត្រូវបានបញ្ជូនទៅមន្ទីរពេទ្យដោយសាររបួស ខណៈគេឃើញស្លាបចក្រឧទ្ធម្ភាគចក្រ បាក់ធ្លាក់ចូលក្នុងអាងទឹកសណ្ឋាគារ។ មិនត្រឹមប៉ុណ្ណឹង ផ្លូវជុំវិញសណ្ឋាគារនោះ ក៏ត្រូវបិទផងដែរ ហើយប៉ូលិសបានសម្រេចចិត្តប្រកាសភាពអាសន្ន ដោយសារតែស្ថានការណ៍មិនទាន់ធូរស្រាល។ ស្របពេលជាមួយគ្នានោះ ការិយាល័យសុវត្ថិភាពដឹកជញ្ជូនអូស្ត្រាលីនិយាយថា ខ្លួនកំពុងបញ្ជូនអ្នកស៊ើបអង្កេតទៅកន្លែងកើតហេតុ៕ ប្រភពៈ The Sun

ប្រទេស​វៀតណាម​ បាន​បង្កើន​មុខ​ទំនិញ​កសិផល​ចំនួន​ ៣ មុខ​បន្ថែម​ទៀត សម្រាប់​ការ​នាំចេញ​ជា​ផ្លូវ​ការ​​ទៅ​ប្រទេសចិន​​ រួម​មាន​ សាច់ក្រពើ​ ទុរេនក្លាសេ និង​ផ្លែដូង​ ខណៈ​ទំនាក់​ទំនងសេដ្ឋកិច្ច​ និង​​ពាណិជ្ជកម្ម​រវាង​ប្រទេស​ទាំង​២​កើន​ឡើង​។ នេះ​បើ​តាម​ការ​ចុះ​ផ្សាយ​របស់​កាសែត​ Viet Nam News។ ការ​បង្កើន​មុខ​ទំនិញ​​មាន​នៅ​​ក្នុង​ពិធីសារ​អនុញ្ញាត​ ​ដែលបានចុះហត្ថលេខាដោយក្រសួងកសិកម្ម និងអភិវឌ្ឍន៍ជនបទ​វៀតណាម​ (MARD) និងរដ្ឋបាលទូទៅនៃគយនៃប្រទេសចិន…

ឧទ្ធម្ភាគចក្រ AH-64E Apache (រូបភាព៖ Boeing) សហរដ្ឋអាមេរិក កាលពី​ថ្ងៃ​ទី​១៩​ខែ​សីហា​បាន​អនុម័ត​​​ការលក់​ឧទ្ធម្ភាគចក្រ​យោធា​​​ក្នុង​តម្លៃ ៣,៥​​ពាន់លានដុល្លារទៅ​ឲ្យ​កូរ៉េខាងត្បូង។ ការ​លក់​នេះ មាន​ប្រភេទ​​ឧទ្ធម្ភាគចក្រវាយប្រហារ AH-64E Apache ចំនួន ៣៦​គ្រឿង និងឧបករណ៍​​ផ្សេងៗ​បំពាក់​​លើ​ឧទ្ធម្ភាគចក្រ​​រួមទាំងមីស៊ីលផងដែរ។   ទីភ្នាក់ងារសហប្រតិបត្តិការសន្តិសុខការពារជាតិ (DSCA) របស់​អាមេរិក បាននិយាយនៅក្នុងសេចក្តីថ្លែងការណ៍មួយថា៖…

លោកស្រី Paetongtarn Shinawatra ត្រូវបានជ្រើសរើសជានាយករដ្ឋមន្រ្តីថ្មីទី៣១ជាផ្លូវការ ក្រោយលោក សេដ្ឋា ថាវីស៊ីន ត្រូវបានរដ្ឋធម្មនុញ្ញថៃដកហូតតំណែង ខណៈលោកស្រីគឺជានាយករដ្ឋមន្រ្តីដែលមានវ័យក្មេងបំផុត។ ជាសមាជិកមកពីគណបក្ស ភឿថៃ លោកស្រី Paethongtarn Shinawatra គឺជាកូនស្រីរបស់អតីតនាយកមន្រ្តីថៃគឺ លោក ថាក់ស៊ីន និងជាក្មួយស្រីរបស់អតីតនាយកមន្រ្តីស្រីទី១ លោកស្រី យីងឡាក់។…

បាត់ដំបងៈ បុរស​អាយុ​២៣​ឆ្នាំម្នាក់​បាន​ស្លាប់​ភ្លាមៗ​នៅ​កន្លែង​កើតហេតុ ​ក្រោយ​ពី​បើក​ត្រាក់ទ័រ​កិន​លើ​គ្រាប់​មីន​តោន​នារ​សៀល​ព្រហស្បតិ៍ ទី១៥​ខែ​សីហា​នេះ ដែលធ្វើឱ្យ​ចំនួនជន​រងគ្រោះ​ដោយសារតែ​យុទ្ធភណ្ឌ​គ្រឿងផ្ទុះកើន​ឡើង​ដល់​៣៨​នាក់​នៅ​ក្នុង​ឆ្នាំ​២០២៤​នេះ។ អាជ្ញាធរមីន​បញ្ជាក់​ថា៖«មានករណី​ផ្ទុះមីន​តោន នៅ​លើ​ដីស្រែ ​ក្នុងភូមិ​ជីប៉ាង ​ឃុំផ្លូវមាស ​ស្រុក​រតនមណ្ឌល ​ខេត្ត​បាត់​ដំបង បណ្ដាល​ឱ្យបុរស​ម្នាក់​ឈ្មោះ​ វ៉ាត សាវុន​បាន​ស្លាប់នៅនឹង​កន្លែង ​ខណៈពេល​ដែលជន​រង​គ្រោះ​កំពុង​បើកបរ​ត្រាក់ទ័រ​ភ្ជួរដី»។ ជនរង​គ្រោះរស់​នៅ​ក្នុង​ភូមិភ្ជាវ​ ឃុំត្រែង ​ស្រុក​រតនមណ្ឌល ​ខេត្តបាត់ដំបង។ ករណីផ្ទុះ​នេះ​ក៏​បណ្តាល​ឱ្យ​ត្រាក់ទ័រ​ខូច​ខាត​ ទាំង​ស្រុង​ផង​ដែរ។…